У свеце вельмі многа розных моў, але толькі адна з іх родная. Менавіта яна для чалавека самая прыгожая, любімая і дарагая. 21 лютага адзначаецца Міжнародны дзень роднай мовы. Вельмі важна, каб дзеці з маленства чулі яе прыгожы гук і вучыліся ею ганарыцца.
Сёння выхаванцы старшай "А" групы ближэй пазнаёміліся з творчасцю беларускай паэтэсы Эдзі Агняцвет, чыталі на памяць вершы, спявалі песню "Родная мова", а таксама танцавалі и гулялі у беларускія народныя гульні.   Дзеці ганарацца тым, што мы – беларусы, а нашай роднай мовай з'яўляецца беларуская мова. Родная  мова -  гэта багацце, якое перадаецца нам з пакалення ў пакаленне і суправаждае ўсё жыццё.